سوالف خكري مع امه..(تموت ضحك)..

سوالف خكري مع أمه


>رطوبة ...... رطوبة
>حرر طفشش
>
>خلاص .... تعبانه
>بؤ قصدي
>تعبان
>العجيز .. أقول ياجعل عيني ماتبكيك ورا ماتتمرجل مع الرياجيل
>وتغدي ذيب
>نعن أبو فرتك أنت طالعن على من؟
>إنا يوم إني بسنك كنت أقود قطيع من الغنم وأقود قبيلة مثلك
>
>yay: ماما اش معنا غنم ؟؟ .. اييه قصدك الخروفه
>العجيز:اييييييييييييييييه ياويحي تقول خروفه ها
>ياحره تسبدي
>أبوك يوم كان بسنك كان يطارد ورا الأسود يبي يسلخ جلدها ومن ثمن يبيعها
>..يدور ورا رزقه
>أنت لو يطب في حضنك (شبث) =عنكبوت انكسر حوضك
>
>yay: ماما يعني بابا كان زى ماوكلى؟
>العجيز: نعن أبو حيك إلى يسمع سوالفك يقول عمرك ثلاث سنوات وأنت ترى
>جالس تبحر بالعشرين
>أقول تقلع من قدامي لا تخليني أتخلى عن أنوثتي وارتكب فيك جريمة
>ترى مو ماسكني عنك إلا صله القرابة..
>
>yay: خلاص ماما بروح أنام
>العجيز: نم ياجعل تنام فوق ظهرك تريله... ربها تقسي عظمك يالرخله
>
>yay: ماما ؟ لبش أنتي عدوتي لبش أنتي دايم تحاولين تحطمين مشاعري
>لبش إنا مو دلوعتك بؤ قصدي دلوعك إنا مو ضناكي إلى تخافين
>عليه
>العجيز: تصدق أحرجتني بكلامك تصدق حمرن خدودي وبجلس أدق راسي أسفا للي
>سويته فيك
>ورآك والله ماذقت عقال أبوك وهو على ظهرك
>
>yay: ماما تدرين وش اتمني ..
>العجيز: وش تتمني يا هيفا
>
>yay: اتمني بس تشوفين حليمة وتأخذينها قدوتك
>العجيز: وش أنتي ياحليمه ؟
>
>yay: بنت بولند ياماما
>
>العجيز: أقول ليت والله تأخذ أخوك خلف قدوت (ن) لك مع انك اكبر منه بسنه
>هذاك والله إلى زنده يوقف عليه التيس... انت لو تلبس ثوب شتوي ثقيل جاك
>الغظروف
>هذاك عزوتي... وسندي
>العجيز: يااي
>
>yay: يس مام
>العجيز: وش يس ذا جعل تيس ينطحك...
>انت من الى علمك الهرج ذا
>قل لبيه يمه سمي يمه
>لو طب علينا حرامي وش بتسوي ياروح ماما
>
>yay: بشد شعره وبقوله عيب عليك
>العجيز: لاتكفى ارحمه مسكين
>وانت تفكر الحرامي مخلي شعره مثلك يا باربي????
>الحرامي يجيك في وجهه شطبه سكين اعرض من يدك
>
>yay: يروه لا تخوفيني ماما اجل بقوله حوحو خذ كل شي الا السكيتنج حقتي
>واغراضي من بدي شوب خلها لى الله يخليك
>العجيز: الله... وانت منت بمسويله شي ؟
>
>yay: وش اسويله ياماما بقوله لا تسرق ترا السرقه حرام
>العجيز: بس
>
>yay: يس
>العجيز: الله يخلف على امن جابتك بس
>على دخلت خلف من الشارع
>
>العجيز: تعال خلف تعال
>خلف: سمي يمه لبيه
>العجيز: هلا بعزوتي وبسند ظهري هلا
>لو دخل علينا حرامي ياخلف وش بتسوي فيه.. امتعني سمعني اطربني
>خلف: بكسر ظهره ثمن بدعس على رقبته واقطع يده وافك ركبته... واعلقها
>على باب الشارع عضه وعبره لغيره
>
>yay: يووء بتسوي فيه مثل ماسوو في @_@@_@@_@ فلم الحريه مسكين
>خلف : سكين والله تقطع اذنك ذي الى كنها كليه فار
>
>yay: يو ترا ما استحمل الكلام ذا ترا ما اعرف انام اخاف..
>بروح انام احسلى من الجلسه معاكم يا عيال دراكولا؟
>العجيز: دراكولا يمص دمك هذا لو عندك دم ماطلع الى بجسمك عصير دناو
>احد يقول عن امه تسذا؟
>
>yay: خلاص ماما سوري
>العجيز : سوري يهابدبك بجدران دمشق قول امين
>
>yay: ماما ترا بروح بعد ما الشمس يخف زعلها محل نكتار بشتري لى بعض
>الحاجات مخلصه من عندي
>العجيز: وش يخف زعل الشمس ماخبرت الحتسي ذا ؟
>
>yay: يعني يماما لمن تبرد اشعه الشمس يعني بعد المغرب
>العجيز: وراك ماتطلع بالضحى ياجعلي اضحي فيك العيد الجاي... قصدي
>والشمس زعلانه
>
>yay: لاماما اخاف على بشرتي تتعور
>العجيز: لاعاد تقول ماما ياجعل مومياء تحضنك ...ياللأنثى
>وبتروح مع من ؟
>
>yay: بروح مع اصحابي وائل ولؤى وهيثم
>وبعد ان خف زعل الشمس وجا وقت المغرب))
>
>yay: مامي انا طالع
>العجيز: وين رايح يا سالى ؟
>
>yay: يؤ مامي نسيتي بروح نكتار
>العجيز: ايه ذكرتني طيب وانت راجع جب معك خبز
>
>yay: ليش مام
>العجيز: .. بتعشي ياجعلى اتعشي يوم عرسك...... مهما كنت ولدي وابي افرح
>بك
>مدري انت الى بتخطب ولا هم الى بيخطبونك ياحسرتي بس
>
>yay: لامام بجبلك كلوب هاوس
>العجيز: كلاب والله تعض خصرك ذا الى كأنه خاتم
>
>yay: وبعدين مام انا بتزوج تشلسي
>العجيز: وشو ذا
>
>yay: بنت كلنتون
>العجيز:وش لبتن ذا
>
>yay: هههه مام ضحكتيني لا بنت رئيس الولايات المتحده الامريكيه السابق
>العجيزز: وشوتقصد.. عمريكا؟
>
>yay: ايه شيكا بيكا هههه
>العجيز: وتضحك بعد ايه خبري بك راعي شيكا بيكا معذور
>
>yay: ايه مام وش احلى من اني اتزوج حبيبتي تشلسي
>وبعد ما اتزوجها .. اكلم ابوها واقوله اطلع من العراق وكلم اسرائيل
>وخلها تنسحب من فلسطين
>ولا ترا بزعل تشلسي ولا راح اشتررريلها ايس كوريم
>العجيز: وهذا الى تقدر عليه ياكبده امك تزعلها ولا تشتريلها عسكريم
>انا ابوك يوم زعل على اعطاني طلقتين بالشوزن في ظهرى


إن شاء الله تحوز على أعجابكم

ههههههههههههههههههههههههههههههههههههههههههههههههههههههههههههه

من جد تضحك

يعطيك العافيه سوووووووووووومي

تحياااااااااااااااااااااااتي

أميرة بكلمتي