قصيده ذو كلمات قويه..لحامد زيد

لحظه !! ترى ماجيت اقدم لك اعـذار
لحظه !! وبعده سـوي اللـي تسويـن

لحظه !! بصحِّح بيننا بعض الافكـار
وباقول لـك حاجـه قبـل ماتقوليـن

لا تحسبينـي بانثـر الدمـع وانهـار
والا اترجى واطلبـك مـا تروحيـن

روحي عسى دربك بساتيـن وازهـار
روحـي وغيـري بالمخاليـق تلقيـن

صحيح لك بالقلـب حشمـه ومقـدار
لكـن شسـوي لـك اذا مـا تحسيـن

لي قلب لامنـه عشـق حيـل مـدرار
ومن الغـلا عنـدي يكفـي ملاييـن

بس إن لقى صد وجفى صـار جبَّـار
وأقدر افـارق واهجـرك لاتخافيـن

يابنت انا لي عزتـي وباخـذ الثـار
وابغى انصحك لارحت اصحي تنادين

ماني براجع لاتقوليـن وش صـار؟
لاتسألينـي ليـه ؟ انتـي تعرفـيـن

غيـرك تمنونـي وبالعـب وباختـار
واعشق بدالك الـف وحـده بيوميـن

وانتي رصيدك بالغلا عندي اصفـار
ماهـو بذنبـي ماعرفتـي تحبـيـن

وكل الذي لجلك كتبتـه مـن اشعـار
والله خسـاره فـيـك ماتستحقـيـن

حتى صورك اللي من العـام تذكـار
بادوسهـا وانتـي قبالـي تشوفـيـن

يامـا عطيتـك الـف إنذار..وانـذار
أقـدر افارق..قلـت لـك : لاتحديـن

واليوم انا ليه اتعـب النفـس واحتـار
دامـك جرحتينـي وكنتـي تسلـيـن

إن كنت حي ومن طويليـن الاعمـار
لجرح بدال الجـرح تسعـه وتسعيـن

والحين يالله خلـي دموعـك امطـار
وباحاول اضحك طول ما انتي تصيحين
__________&&&&&&_________

أتمنى ان تنال إعجابكم..

يسلموا حبيبتي على القصيدهـ الرائعه.
طبعا حامددزيد بنظر بنظري اشعر الشعار...وقصائده ليست مجرد كلمات
ومازادها جمالا انك من طرحها لنا,,,,

تقبلي مروري واعجابي..

اووووووووباااااااااااااا .. هع والله كلمات قوووووووووويه وفتاااااااااااااكه ^_^

يسلمووو ملووكه على القصيييده الفتااااااكه..

الله يعطيك العافيه ..

وبإنتظار جديدك ياعسل ...

بايوووو ..

ملاكـ صعبة الامتلاكـ ..

اسعدنى ان اكون
من ضمن المتواجدين هنا
لأعبر عن مدى أعجابي بطرحك الجميل
قصيده رائعه جدا
اتمنى ان تظلي دائماَ متألقه بكل جديد
تحياتي وتقديري لكِ